बझाङ : बझाङको सदरमुकाम चैनपुर बजारमा पैदलयात्रुलाई आवतजावतमा समस्या हुँदै आएको गुनासो बढेपछि जिल्ला ट्राफिक प्रहरी कार्यालय बझाङले बजारका तीन स्थानमा पार्किङ निषेध बोर्ड राखेको छ।
बजार क्षेत्रमा जथाभावी सवारी पार्किङका कारण पैदल यात्रुहरूलाई बाटो हिँड्न असहज हुनुका साथै दुर्घटनाको जोखिम बढेको गुनासो स्थानीयहरूले गरेका थिए।
यस समस्यालाई समाधान गर्न ट्राफिक प्रहरीले विशेष पहल गर्दै पार्किङलाई व्यवस्थापन गर्ने प्रयास थालेको जिल्ला ट्राफिक प्रहरी कार्यालय बझाङका प्रमुख विनोद विष्टले बताए ।
विष्टले भने, “यातायातका साधनहरू पार्किङ गरेर पैदल यात्रुलाई हिड्न समस्या हुने ठाउँमा हामीले आज पार्किङ निशेधको बोर्ड राखेका छौ । यसमा सबैले सहयोग गरिदिनुहोला ।”
विष्टका अनुसार, बोर्ड राखिएका क्षेत्रहरू सदरमुकाम चैनपुरको चौराहा, देविस्थान मन्दिर, अदालत अगाढि सवारी साधन पार्किङ गरेमा अब कारबाही गरिने छ।
यसले बजारको सडकमा सवारी र पैदलयात्रुको चाप कम गर्न सहयोग पुग्ने विश्वास लिएको छ। स्थानीय व्यवसायीहरूले ट्राफिकको यस कदमलाई स्वागत गरेका छन्। “पैदल हिँड्न निकै गाह्रो भएको थियो, तर बोर्ड राखेपछि अब केही सहज हुनेछ भन्ने आशा छ ।,” स्थानीय किरण खड्काले बताए।
ट्राफिक प्रहरीले सबैलाई नियम पालना गर्न आग्रह गर्दै पार्किङ व्यवस्थापनमा सहयोग गर्न अनुरोध गरेको छ। साथै, बजारमा अन्य सुधारका कार्यक्रमहरू पनि ल्याउने योजना रहेको जानकारी दिएको छ।
काठमाडौं : पौष शुक्ल पूर्णिमा। नेपाली सनातन धर्मावलम्बी एक महिने श्रीस्वस्थानी व्रत शुरु गर्दैछन्। पञ्चाङ्गमा सोमबार ५२ घडी ३४ पला Read more
काठमाडौं: सन् २०२४ नेपाली फिल्म बजार उत्साहप्रद रह्यो। एक दर्जन बढी चलचित्रले १५ करोडमाथि कलेक्सन गरे। विदेशको प्रदर्शन अधिकार, डिजिटल Read more
काठमाडौँ : विश्वसम्पदा सूचीमा सूचीकृत भगवान् गौतमबुद्धको जन्मस्थल लुम्बिनीलाई न्यूयोर्क टाइम्सले सन् २०२५ का ५२ गन्तव्यमध्ये नवौँ स्थानमा राखेको छ। Read more
बझाङः बझाङमा ७ पशुचौपाया मरेका छन्। जिल्लाको खप्तडछान्ना गाउँपालिका–३ मेलतडीस्थित २ तले घरको भुँइ तलामा रहेका ७ पशु चौपाया मरेका Read more
