बैतडी–बैतडीमा पासोमा परेको चितुवा भागेको छ ।
जिल्लाको दशरथचन्द नगरपालिका–२ देहीमाण्डौं कुमालीगाड भन्ने स्थानमा थापेको पासोमा सोमबार राति चितुवा फसेको थियो । जंगली बँदेलका लागि किसानहरुले थापेको पासोमा चितुवा परेको हो ।
पासोमा फसेको चितुवाको उद्धारका लागि शुक्लाफाँटा राष्ट्रिय निकुञ्जबाट उद्धार टोली आएको भएपनि मंगलबार राति चितुवा पासो चुँडालेर भागेको डिभिजन वन कार्यालयका वन अधिकृत नरेशचन्द्र कर्णले बताए ।
चितुवाको घाँटी पासोमा परेको थियो । मंगलबार दिनभरी पासोमै रहेको चितुवाको घाँटीमा ठूलो घाउ परेको छ । मंगलबार रातिको समयमा पासोमा फसेको चितुवा भागेको बताइएको छ । चितुवा घाइते भएको हुनाले स्थानीयबासिन्दाहरुलाई आवश्यक सतर्कता अपनाउन आग्रह गरिएको वन अधिकृत कर्णले बताए ।
चितुवाको घाँटीमा ठूलो घाउ भएकाले चितुवा मर्न सक्ने अनुमान समेत गरिएको छ ।
यसअघि गएको असोज १२ गते बैतडीको दशरथचन्द नगरपालिका –१ खालमा पनि पासोमा परेको चितुवा पासो चुँडालेर भागेको थियो । असोज ११ गते पासोमा फसेको चितुवा दोश्रो दिन भागेको थियो ।
जंगली जनावरबाट बालीनाली जोगाउनका लागि स्थानीय किसानहरुले पासो थाप्दै आएका छन् । पासोमा परेर चितुवा घाइते हुने क्रम बढेको छ भने केही ठाउँमा पासोमा फसेर चितुवा मरेका घटना समेत रहेका डिभिजन वन कार्यालय बैतडीका सूचना अधिकारी मदन जोशीले बताए ।
काठमाडौं : नेपाल शिक्षक महासंघले शिक्षा ऐन कार्यान्वयनको माग गर्दै सोमबारदेखि अनिश्चितकालीन शैक्षिक हडताल सुरु गर्ने घोषणा गरेको छ । Read more
बझाङ - बझाङमा माेटरसाइकलको ठक्कर बाट एक बालिका घाइते भएकी छिन् । आज (शुक्रकार) दिउँसो ४ बजेको समयमा खड्काले ठक्कर Read more
सुत्नुभन्दा दुई घण्टा अगाडि खाना खाँदा सुत्नुअघि रगतमा चिनीको मात्रा नियन्त्रणमा रहन्छ । यसले राति निद्रा खुल्ने समस्या कम गर्छ Read more
भारतको उत्तराखण्ड राज्यको चमोली जिल्लामा हिमपहिरो जाँदा हिउँमा फसेका मध्ये ३३ जना मजदूरको उद्धार भएको छ । हिउँमा फसेका ५५ Read more
