दार्चुला । दार्चुलाका दुई वटा विद्यालयका किशोरीहरुलाई आत्मारक्षा तालिम दिइदैछ ।
सामाजिक विकास कार्यालय दार्चुलाको आयोजनामा जिल्ला सदरमुकाम स्थित महेन्द्र नमुना मावि खलंगा र छन्ना तिंकरी कन्या मावि का दुई सय किशोरीहरुको लागि दुई दिने आत्मारक्षा सम्बन्धि तालिम सञ्चालन गरिएको सामाजिक विकास कार्यालय दार्चुलाका कार्यालय प्रमुख रामचन्द्र ओझाले जानकारी दिनुभयो ।
कार्यालयको वार्षिक स्वीकृत कार्यक्रम अनुसार महेन्द्र नमुना मावि खलंगाका १०० जना किशोरीहरुलाई पुष ३ गते (हिजो) र आज आत्मारक्षा तालिम दिइएको उहाले बताउनुभयो ।
यस्तै पुष ५ र ६ गते छन्ना तिंकरी कन्या माविका किशोरीहरुलाई तालिम दिइने बताइएको छ ।
किशोरीहरुमाथी हुन सक्ने सम्भावित हिंसा तथा दुर्व्यवहारविरुद्ध प्रतिकार गर्न सकुन भनेर तालिम सञ्चालन गरिएको बताइएको छ ।
