थलरा गाउँपालिका र केदारस्युँ गाउँपालिका जोड्ने सेती नदिको झोलुङ्गे पुल बगेको चार वर्ष पूरा हुदा सम्म बनेन पुल स्थानीय काठे पुल तर्न बाध्य

षुस १८।बझाङ – बझाङको थलरा गाउँपालिका र केदारस्युँ गाउँपालिका जोड्ने सेती नदिको झोलुङ्गे पुल बगेको चार वर्ष पूरा भए पनि झोलुङ्गे पुल बन्न सकेको छैन । सेती नदिले २०७७ साल साउनमा थलरा गाउँपालिका र केदारस्युँ गाउँपालिका जोड्ने झोलुङ्गे पुल बगाएको थियोे । पुल बगेपछि थलरा गाउँपालिका र केदारस्युँ गाउँपालिकाका स्थानीयहरु लाई समस्या भएको थियोे ।

झोलुङ्गे पुल बगेको चार पूरा हुदा सम्म पनि स्थानीय सरकार र प्रदेश सरकारले कुनै चासो नदिएको स्थानीयहरुले बताएका छन् । थलरा र केदारस्युँका स्थानीयहरुलाई एक गाउँ बाट अर्को गाउँ जान समस्या भएको हो । वर्ष बन्छकि पुल अर्को वर्ष बन्छकि भन्दै स्थानियहरू हरेक वर्ष पुल बन्ने आशामा रहन्छन् । तर सेती नदिको थलरा गाउँपालिका र केदारस्युँ गाउँपालिका जोड्ने सेती नदिको झोलुङ्गे पुल बन्ने कुनै सुर भने छैन ।

अहिले स्थानियहरू काठको सानो अस्थायी पुलबाट खोला तर्न बाध्य भएका छन् । काठको सानो अस्थायी पुलबाट नदि तर्दा समस्या र जोखिम हुने गरेको स्थानीयहरुले बताएका छन् ।

प्रतिक्रिया दिनुहोस