अछामको बान्नीढीजयगढ गाउपालिका वडा नम्बर ६ दर्ना घर भएर रुसी सेनामा कार्यरत झपटबहादुर शाह त्यहाँको सरकारबाट सम्मानित भएका छन् । करिब एक वर्ष रुसी सेनाका तर्फबाट युक्रेनसँग लडाईं लडेका शाहले त्यहाँको सरकारबाट उच्च सम्मान प्राप्त गरेका हुन् ।
लडाईमा रहँदा उच्च अनुशासन, पारस्पारिक सहयोग, मितव्ययी र उत्कृष्ट कार्यसम्पादनको मूल्यांकन गर्दै रुसी सरकारले पाँचलाख (रुबल) नेपाली सात लाख १० हजार रुपियाँ राशीको पुरस्कार शाहलाई प्रदान गरेको हो । युक्रेनसँगको लडाईंमा घाइते हुँदा समेत आफ्नो डिउटी र कर्तव्यप्रति बफादार रहेका शाह यति ठूलो धनरासीको रुसी पुरस्कार प्राप्त गर्ने पहिलो नेपाली हुन् ।
लडाईंका बेला धेरै नेपालीले ज्यान गुमाउनु परेको पीडाका बीच आफूले यो पुरस्कार प्राप्त गर्दा सिंगो नेपालीको शीर एकपटक उच्च रहेको अनुभूति गरेको शाहले बताए । नेपालीहरु विश्वका जुनसुकै कुनामा गएपनि आफ्नो इमान र साहसलाई कहिल्यै कम गर्दैनन् भन्ने उदाहरण शाहले प्रस्तुत गरेका छन् । लडाईंको बीचमा ज्यानै जोगाउन मुस्किल पर्दा समेत शाह मोर्चाको अग्रभागमा उभिँदै आएका थिए ।
पुरस्कार र सम्मान प्राप्त गरेपछि शाहले भने, ‘ठूलो जोखिमका बीच एक वर्षसम्म युद्धको मोर्चामा खटिँदा रुसी सरकारले गरेको मूल्यांकन प्रति आभारी छुँ, लडाईंमा ज्यानको प्रवाह थिएन, डर भन्ने हराइसकेको थियो, शवमाथि कैँयन रात सुतियो, युक्रेनले प्रहार गरेको मिसाइल लागेर घाइते हुँदा केही रात भोकै बस्दा पनि मर्छु भन्ने लागेन, युद्ध के रहेछ रुस–युक्रेनको हेर्दा हुन्छ ।’ उनले थपे, ‘स्थलगत सीधा लडाईं भएको भए रुसले पहिले नै युक्रेन कब्जा गरिसक्थ्यो, यो त प्रविधिमैत्री लडाईं हो, कतिबेला कुन ठाउँबाट मिसाईल आउँछ पत्तै हुन्थेन ।’
पछिल्लो समय साहसिक लडाईंमा सक्रिय भएका नागरिकहरुलाई भ्लादिमिर पुटिन सरकारले पुरस्कृत गर्दै आएको छ ।
शाहको परिवार पनि उनी सम्मानित हुँदा खुसी छ । कुनबेला के हुन्छ भन्ने चिन्ता थियो रुस सरकारबाट ठुलो सम्मान पायो खुसी लाग्यो, हामीले गौरव गरेका छौ नेपाली कांग्रेस अछामका जिल्ला कार्य समितिका सदस्य तथा शाहका कान्छाभाइ पृथ्वीबहादुर शाहले बताए । झपट अछामको बान्नीढीजयगढ गाउपालिका वडा नम्बर ६ दर्ना निवासी टेकबहादुर शाहको छोरा हुन ।
डडेल्धुराको गन्याधुरा गाउँपालिका–१ स्थित छब्बीसे मोडमा आज बिहान बस र ट्याक्टर एक आपसमा ठोक्किँदा दुई जना घाइते भएका छन्। बझाङबाट Read more
नेपालमा लैङ्गिक पहिचानसँग सम्बन्धित चिकित्सा क्षेत्रमा ऐतिहासिक सफलता हासिल भएको छ। त्रिभुवन विश्वविद्यालय शिक्षण अस्पतालले पहिलोपटक महिलाबाट पुरुषमा लिंग परिवर्तन Read more
काठमाडौं : नेपाल शिक्षक महासंघले शिक्षा ऐन कार्यान्वयनको माग गर्दै सोमबारदेखि अनिश्चितकालीन शैक्षिक हडताल सुरु गर्ने घोषणा गरेको छ । Read more
बझाङ - बझाङमा माेटरसाइकलको ठक्कर बाट एक बालिका घाइते भएकी छिन् । आज (शुक्रकार) दिउँसो ४ बजेको समयमा खड्काले ठक्कर Read more
