पुस १५ ।बझाङ : सुदूरपश्चिम प्रदेशका बझाङ, बाजुरा, अछाम, डोटी,दार्चुला, बैतडी, कञ्चनपुर, कैलाली, र डडेल्धुरा जिल्लामा आज पुस १५ गते ‘पुसे पन्ध्र’ पर्व धुमधामका साथ मनाइँदैछ। डोटेली लोकसंस्कृतिको मौलिक पहिचान बोकेको यो पर्व हरेक वर्ष पुस १५ गते विशेष उल्लासका साथ मनाउने प्रचलन छ।
लोकसंस्कृतिमा आधारित विशेष परम्परा
पुसे पन्ध्रका अवसरमा गाउँभरिका मानिसहरु रातभर जाग्राम बस्ने चलन छ। जाग्रामको क्रममा १५ हात लामो मूढाको आगो ताप्दै दन्त्यकथा र लोककथा सुनिने र सुनाइने गरिन्छ। स्थानीयवासीहरूका अनुसार, यो परम्पराले समुदायभित्र एकता र सामाजिक मेलमिलापलाई झल्काउँछ।
पुस १५ का दिन विशेषगरी तरुल, पिँडालु, सखरखण्ड, फर्सी लगायतका माटोमुनि उम्रिने कन्दमूल उसिनेर खाने चलन छ। रामबहादुर विष्टका अनुसार, माटोमुनि उम्रिने यस्ता पदार्थ खाँदा जाडो भाग्ने र शरीरमा ऊर्जा तथा तागत बढ्ने विश्वास रहेको छ।
रातभरको जाग्राम र सांस्कृतिक गतिविधि
यो पर्वमा दिनको तुलनामा रातको समयमा गरिने गतिविधिलाई विशेष महत्व दिइन्छ। टोल छिमेकका मानिसहरु एक घरमा भेला भई आगो ताप्दै तरुल, पिँडालु, सखरखण्ड, रोटीसँगै डोटेली परिकार पकाएर खाने र पुराना लोककथा तथा दन्त्यकथा सुन्ने परम्परा रहेको छ।
डोटेली लोकसंस्कृतिमा चर्चित यो पर्व वर्षकै सबैभन्दा लामो रात मनाउने दिनका रुपमा परिचित छ। यद्यपि, विश्वव्यापी मान्यताअनुसार सबैभन्दा लामो रात डिसेम्बर २२ मा पर्ने विश्वास गरिन्छ।
पुसे पन्ध्र पर्वमा १५ हात लामो (झन्डै २० फिट) दाउराको मूढोको आगो ताप्दै हाँसो-ठट्टा गर्ने, रमाइलो गर्ने र सामाजिक कथा-संवाद मार्फत समय बिताउने चलन छ। यसले एकातिर स्थानीय परम्पराको संरक्षण गर्छ भने अर्कोतिर समुदायबीच आपसी सम्बन्धलाई बलियो बनाउँछ।
डोटेली लोकसंस्कृतिको गहिरो जरा बोकेको यो पर्व सुदूरपश्चिमको मौलिकता र पहिचानको प्रतीक हो। समुदायका वृद्धवृद्धाबाट लोककथा र दन्त्यकथा सुन्ने परम्पराले नयाँ पुस्तालाई आफ्ना संस्कृति र परम्पराप्रति जागरूक गराउँछ।
पुसे पन्ध्र पर्वले सामाजिक एकता, मेलमिलाप, र लोकसंस्कृतिको जगेर्ना गर्ने विश्वासका साथ आज सुदूरपश्चिममा उल्लासपूर्वक मनाइँदैछ।
काठमाडौं : पौष शुक्ल पूर्णिमा। नेपाली सनातन धर्मावलम्बी एक महिने श्रीस्वस्थानी व्रत शुरु गर्दैछन्। पञ्चाङ्गमा सोमबार ५२ घडी ३४ पला Read more
काठमाडौं: सन् २०२४ नेपाली फिल्म बजार उत्साहप्रद रह्यो। एक दर्जन बढी चलचित्रले १५ करोडमाथि कलेक्सन गरे। विदेशको प्रदर्शन अधिकार, डिजिटल Read more
काठमाडौँ : विश्वसम्पदा सूचीमा सूचीकृत भगवान् गौतमबुद्धको जन्मस्थल लुम्बिनीलाई न्यूयोर्क टाइम्सले सन् २०२५ का ५२ गन्तव्यमध्ये नवौँ स्थानमा राखेको छ। Read more
बझाङ : बझाङको सदरमुकाम चैनपुर बजारमा पैदलयात्रुलाई आवतजावतमा समस्या हुँदै आएको गुनासो बढेपछि जिल्ला ट्राफिक प्रहरी कार्यालय बझाङले बजारका तीन Read more
