एउटा चुरोटले व्यक्तिको जीवनबाट २० मिनेट आयू घटाउँछ : नयाँ अनुसन्धान

२१ पुस ।काठमाडौँ- तपाईँ धूमपान गर्नु हुन्छ ? आजै देखि छोडनुहोस् । चुरोटको हानिहरुबारे गरिएको पछिल्लो अध्ययनले यसका प्रयोगकर्ताहरुलाई चिकित्सक भन्दै आएको भन्दा अझ् बढी असर गर्ने गरेको देखाएको छ ।

युनिभर्सिटी कलेज लण्डनका अन्वेषकका अनुसार एउटा चुरोटले व्यक्तिको जीवनबाट २० मिनेट आयू घटाउँछ । अर्थात २० खिल्लीको चुुरोटको बट्टा सक्दा व्यक्तिको जीवनको लगभग सात घण्टा आयू छोटिन्छ ।

विश्लेषणका अनुसार यदि एक दिनमा १० खिल्ली चुरोट सेवन गर्ने व्यक्तिलले यदि जनवरी ५ देखि छाड्छन् भने १३ जनवरीमा पुग्दा जीवनको पुरा एक दिन आयू लम्व्याउन सक्छन् । फेब्रअरी १० सम्म छाडे भने आयू १ हप्ता लम्व्याउन सक्छन् र एक वर्षसम्म त्याग्न सकेमा आयू ५० दिन लम्व्याउन सक्छन् ।

‘मानिसहरुलाई धूमपान हानिकारक हो भन्ने थाहा छ तर यति साह्रो हानिकारक हो भन्ने कमैलाई थाहा हुनसक्छ,’ अनुसन्धानको नेतृत्व गरिरहेका डा सारा ज्याक्सनले भने, ‘उनी अगाडी थप्छन् औषतमा धूमपान नछोड्नेहरुले जीवनको एक दशक अघि नै आयू सक्छन् । त्यो १० वर्षको बहुमूल्य समय, जीवनका पलहरु र प्रियजनहरुसंग कोसेढुंगाहरु हो ।’

धूमपान रोक्न सकिने रोग र मृत्युको प्रमुख कारक हो । जसको प्रयोग गर्ने दुई तिहाई प्रयोगकर्ताको अकाल मृत्यु हुने गरेको छ । बेलायतकै कुरा गर्दा एक वर्षमा लगभग ८० हजार बढी मृत्इु र इङल्याण्डमा सबै क्यान्सरको मृत्युको एक चौथाई नित्याउने गरेको छ ।

सन् २००० मा बीएमजेले गरेको अध्ययन् मूल्यांकनले औषतमा एउटा चुरोटले ११ मिनेट आयु घटाउने गरेको देखाएको थियो । तर जर्नल अफ एडिक्सनमा प्रकाशित पछिल्लो यो विश्लेषणले पुरानो विवरणलाई झण्डै दोब्बरले बढेको देखायो ।

अनुसन्धान कर्ताहरु स्वास्थ्य र दीर्घ जीवनका लागि धूमपान पूर्ण रुपमा छोडनुपर्नेमा जोड दिन्छन् । प्रतिवेदनमा हृदय रोग र मस्तिष्कघातको जोखिम दिनको २० पटकको धूमपान गर्नेको तुलनामा दिनमा एक पटक धूमपान गर्नेहरुमा ५० प्रतिशतले कम हने बताउँछन् । उनीहरु भन्छन्, ‘हरेक उमेरमा धूमपान बन्द गर्नु फाइदाजनक छ ।’

प्रतिक्रिया दिनुहोस