धनगढी । सुदूरपश्चिम प्रदेशका आन्तरिक मामिला तथा कानुन मन्त्री पृथ्वीबहादुर सिंह पत्नी अमृतासँगै सोमबार गृह जिल्ला बझाङतर्फ जाँदै थिए ।
६ जेठमा आन्तरिक मामिला तथा कानुन मन्त्री बनेका सिंह मन्त्री बनेपछि पहिलो पटक निर्वाचन क्षेत्र जान लागेका थिए ।
मन्त्रालयका कर्मचारी र निजी सचिवालयका कर्मचारीसहितको टोली लिएर चुनाव क्षेत्र जाँदै गरेका उनी सोमबार साँझ डडेल्धुराको राइनो होटलमा बसेका थिए ।
मंगलबार बिहान मन्त्री सिंह सुपप्र ०१–००१ झ ४८० नम्बरको गाडीमा अघि लागे भने मन्त्रालय र उनको सचिवालयका कर्मचारी सुपप्र ०१ ००१ झ ३३० नम्बरको अर्को गाडीमा उनीहरुलाई पछ्याउँदै बझाङतर्फ अघि बढे ।
दिउँसो १ः४३ बजे मन्त्री चढेको सुपप्र ०१–००१ झ ४८० नम्बरको गाडी बझाङको केदारस्युँ गाउँपालिका–१ को धारछडा भन्ने ठाउँमा सडकबाट ५० मिटर तल खस्न पुग्यो ।
कालङगाड नदीको किनारमा बजारिन पुगेको गाडीमा मन्त्री सिंहसँगै पत्नी अमृता, भाउजु जयादेवी, निजी सुरक्षा गार्ड (पीएसओ) प्रहरी सहायक हवल्दार दीपक भण्डारी र चालक धर्मराज जोशी थिए ।
मन्त्रीकी पत्नी अमृता र भाउजु जयाको बझाङकै एक निजी स्वास्थ्य संस्थामा मृत्यु भयो भने मन्त्री सिंहलाई नेपाली सेनाको हेलिकप्टरबाट बाँकेको कोहलपुरस्थित नेपालगञ्ज मेडिकल कलेजमा लगियो । मेडिकल कलेजले अपरान्ह साढे ५ बजे मन्त्री सिंहको मृत्यु भएको घोषणा गरेको छ ।
निमित्त निर्देशक प्रा. डा. ढुण्डीराज पौडेलका अनुसार ४ः ५८ मन्त्री सिंहलाई हेलिकप्टरले अस्पताल ल्याईपुर्याएको थियो ।
‘मन्त्रीज्यूको अस्पतालमा पुग्ने बेलामा नै शरीरमा नाभीको चाल थिएन भने मुटुको धड्कनले पनि काम गर्न छाडिसकेको थियो’ उनले विज्ञप्तिमा भनेका छन् । तर उनको शरीरमा जीवित लक्षणहरु नदेखिएपछि ५ः३० मा मृत घोषणा गरेका पौडेलले जानकारी दिए ।
गाडीचालक धर्मराज जोशी र मन्त्रीका निजी सुरक्षाकर्मी भण्डारीको नेपालगञ्जमै उपचार भइरहेको छ ।
जयपृथ्वी नगरपालिका–१० घर भई हाल कञ्चनपुरको बेलौरी नगरपालिकामा बसोबास गर्दै आएका मन्त्री सिंहको बुधबार ढंगार मष्टा मन्दिर दर्शन र कार्यकर्ता भेटघाट गर्ने कार्यक्रम थियो ।
मन्त्रालयका अनुुसार बुधबार नै बझाङमा जिल्ला स्तरीय आपतकालीन उद्दार केन्द्रको उद्घाटन र कार्यालय प्रमुखहरुसँग भेटघाट कार्यक्रम राखिएको थियो । उनी बिहीबार धनगढी फर्किने तय थियो ।
४ मंसिरमा भएको प्रदेशसभा चुनावमा उनी बझाङ–१ बाट सुदूरपश्मिम प्रदेशसभामा नेपाली कांग्रेसबाट निर्वाचित भएका थिए । उनी १२ वर्षसम्म नेपाली कांग्रेस बझाङको जिल्ला समिति सभापति रहेका थिए ।
बझाङ : साउदी अरबको जेद्दास्थित अमेरिकी वाणिज्य दूतावास बाहिर गोली चल्दा एक नेपाली सुरक्षागार्डसहित दुई जनाको मृत्यु भएको छ । बुधबार भएको यो घटनाको अमेरिका र साउदी अरबका अधिकारीहरुले पुष्टि
सरोकारवालाहरुले प्रतिवद्धता जनाएका छन् । रुपन्देहीमा रहेका बिभिन्न राजनितिक दलहरुले निर्वाचन आयोगले जारी गरेको आचारसंहितालाई पालना गर्ने प्रतिबद्धता जनाउँदै कही कतै उल्लधन भएका कारवाहीको भागीदार हुने बताएका छन् । आईतवार
बझाङ जिल्ला बुङ्गल नगरपालिका वाड नम्बर ७ को डाडागाउँ टोल र लुङ्गडा टोलको सिमाना मा रहेको डाडागाउँ आधारभूत स्वास्थ्य एकाई दुई महिना देखि बन्द रहेको छ । उक्त डाडागाउँ आधारभूत
