बझाङ : बझाङमा आगोमा परेर एक वृद्ध महिला घाइते हुनु भएकी छिन् । जिल्लाको दुर्गाथली गाउँपालिका–१ रावलगाउँ बस्ने ८४ वर्षीया वृद्ध हिमकला रावल आगोमा परेर घाइते भएकि हुन् ।

आज बुधबार बिहान ९ बजे घरभित्र भान्साकोठामा उनको आगो ताप्ने क्रममा एक्कासी शरीरमा आगो लाग्दा सल्किएको थियो । आगोबाट रावलको कम्मर तलको भाग जलेको जिल्ला प्रहरी कार्यलय बझाङका प्रहरी प्रमुख एवं डिएसपी भरत बहादुर शाहले बताउनु भएको छ ।

घाइते रावलको अवस्था मध्यम रहेको र अहिले जिल्ला अस्पताल बझाङमा उपचार भइरहेको डिएसपी शाहले जानकारी दिनु भएको छ ।

प्रकाशित मिति: २०८०, पुस ११ , बुधबार